,,Einlæg rödd móður með faglegum undirtón sem opnaði nýja sín og hreyfði við viðhorfum. Fyrirlesturinn undirstrikaði mikilvægi þess að þora að fara óhefðbundnar leiðir í námi í takt við persónulegar þarfir.
Glaðleg framsetning í máli og myndum hélt athygli frá fyrstu mínútu."
Kristín Björk Jóhansdóttir, deildarstjóri í sérdeild Suðurlands
"Ég gef Aðalheiði mína bestu umsögn um frammistöðu hennar á fræðsluerindi. Allir mínir starfsmenn lofa erindi hennar og fannst hún flytja það að einlægni og mikilli þekkingu. Það sem vakti athygli mína hvað mest voru viðhorf hennar til skólasamfélagsins sem voru byggð á skilningi. Aðalheiður stóð sig frábærlega."
Ingibjörg Inga Guðmundsdóttir, skólastjóri Grunnskóla Borgarfjarðar
,,Fyrirlestur Aðalheiðar Sigurðardóttur sem hún flutti í Álfhólsskóla í apríl var líflegur og upplýsandi. Helstu kostir fyrirlestrarins eru þeir að í honum kemur Aðalheiður með sjónarhorn foreldris sem leggur mikið upp úr samstarfi við skóla. Þetta er einlægur og áheyrilegur fyrirlestur enda málefnið Aðalheiði hjartans mál. Hún er góður fyrirlesari sem heldur athygli hlustanda með kímni sinni og góðu skipulagi. Það var mikil ánægja með fyrirlesturinn”
Skapti Þ. Halldórsson, deildarstjóri efra stigs Álfhólsskóla
„Fögnum fjölbreytileikanum,“ er fyrirlestur sem enginn skólamaður eða áhugamaður um uppeldismál ætti að láta framhjá sér fara. Það er samdóma álit allra starfsmanna í Grundaskóla að fyrirlesturinn hafi verið með þeim betri sem við höfum fengið um langan tíma og viljum við því vekja athygli á honum. Fyrirlesarinn, Aðalheiður Sigurðardóttir, hefur mikið fram að færa sem foreldri barns og uppalandi.
Sigurður Arnar Sigurðsson, skólastjóri Grundaskóla
Frábær fyrirlestur sem sýnir glöggt fram á að fjölbreytileiki er hið sanna viðmið í skólastarfi. Hann byggir á einlægri frásögn móður af upplifun sinni á einhverfu dóttur sinnar og samstarfi við skóla. Fyrirlesturinn er fluttur á grípandi og áheyrilegan hátt og á svo sannarlega erindi til allra foreldra og starfsfólks skóla án aðgreiningar.
Anna Steinunn Friðriksdóttir,
deildarstjóri sérkennslu Árskóla
„Frábær fyrirlestur í alla staði og á svo sannarlega heima í skólum landsins. Fékk mig til að skoða kennsluna með öðru sjónarhorni og vakti marga til umhugsunar.“
Hjördís Dögg Grímarsdóttir,
kennari í Grundaskóla